Tailandın Trat əyalətindəki Koh Çanq çimərliyində balıqçı milyonlarla rubl dəyərində ola biləcək sperma balina qusması tapıb.
SİA-nın rus saytlarından əldə etdiyi məlumata görə, bu barədə “South China Morning Post” məlumat yayıb.
“Nəvələrimə baxdım, onları çimməyə apardım. Sahildə böyük bir yağ parçası tapdım. Mən ümid edirdim ki, tapıntı qiymətli ola bilər, ona görə də onu evə apardım”, - deyə 64 yaşlı balıqçı Praçin Phuekfisut bildirib. Banqkokda mütəxəssislər tapıntının sperma balinalarının ifraz etdiyi qiymətli maddə olan kəhrəba olduğunu təsdiqləyiblər.
3,4 kiloqram ağırlığında olan laxtanın qiyməti 131 min dollar (yeddi milyon rubldan çox) qiymətləndirilib. Balıqçı ümid edir ki, indi onun maddi çətinlikləri arxada qalıb. O, kəhrəba üzərində qazandığı pul sayəsində nəvələrini xaricə səfərə göndərə və universitetə daxil olmağa köməklik göstərə biləcək.
Əli Babayev