Rusiyanın Altay diyarında meşə yanğınlarının sahəsi sutka ərzində 2 dəfə artaraq 4,6 min hektara çatıb.
SİA xəbər verir ki, bu barədə TASS diyarın Təbiəti Mühafizə Nazirliyinə istinadla məlumat yayıb.
Məlumata görə, meşə sahələrinin monitorinqi zamanı yanğınların 4 640 hektar sahəni əhatə etdiyi məlum olub. Küləkli və isti hava alovla mübarizəni çətinləşdirir.
Yanğın zonasına çox sayda texnika və canlı qüvvə cəlb olunub.
Yeri gəlmişkən, meşələr ən çox Yakutiyada yanır, burada yanğın sahəsi demək olar ki, üç dəfə artaraq 6277 hektara çatıb. Həmçinin, Çukotka Muxtar Dairəsi (çərşənbə axşamı günü 2059 hektara qarşı 5847 hektar) və Saxalin (çərşənbə axşamı günü 1300 hektara qarşı 2450 hektar) rayonlarında yanğınlar sahəsində ciddi artım müşahidə olunur. Ərazisi 1 min hektardan az olan yanğınlar Trans-Baykal, Krasnoyarsk və Xabarovsk ərazilərində, Rostov, İrkutsk, Tomsk və Kirov vilayətlərində, Altay, Tıva və Buryatiya respublikalarında müşahidə olunur.