“İshal insanların vaxtaşırı qarşılaşdıqları bir infeksion xəstəlikdir. Hər yaşda insanlarda, xüsusən də uşaqlarda daha çox təsadüf olunur”. Bu sözləri SİA-ya açıqlamasında həkim infeksionist Leyla Əmrahova deyib.
Onun sözlərinə görə, ishal, usma, qarın ağrısı kimi problemlərlə yanaşı, uzun sürdükdə dehidratasiyaya da səbəb ola bilir: “Bağırsaq infeksiyalari bakteriyalar, viruslar, parazitlər tərəfindən törədilə bilər.
Bakterial səbəbli qastroenteritlər:
Əsasən E.Coli,Salmonellalar, Campilobakteriya, Şigellalar tərəfindən törədilir. Qida zəhərlənmələrinə bağlı ortaya çıxan qastroenteritlər də bakterial qastroenteritlərdir”.
Həkim sözlərinə belə davam edib: “Virusların səbəb olduğu qastroenteritlər:
Rotavirus, Adenovirus, Norovirus kimi virusların səbəb olduğu bağırsaq infeksiyalarıdır. Uşaqlarda müşahidə olunan ishalların böyük qismi virus mənşəlidir.
Əlamətləri:
Sulu ishal
Ürəkbulanma, qusma
Qarında ağrı
Temperatur
Baş ağrısı
Yorğunluq, halsızlıq
Dehidratasiyaya bağlı olaraq ağızda və dəridə quruluq
Susuzluq
Mədə ağrısı
Təzyiqin aşağı olması
Ayaqlarda ağrı”.
Ayşən Vəli