Meksikada polis əməliyyatında 12 nəfər ölüb

24 İyun 2022 06:10 (UTC+04:00)

Meksika polisi oğurlanmış adamları azad etmək üçün Xalisko ştatında genişmiqyaslı əməliyyat keçirib.

SİA APA-ya istinadən xəbər verir ki, silahlı dəstə 2 saatadək müqavimət göstərsə də, girovları azad etmək mümkün olub. Atışma zamanı dördü polis olmaqla 12 nəfər həlak olub.

Yaralıların sayı barədə dəqiq məlumat yoxdur.