Son günlər ərzində leysan və torpaq sürüşməsi Braziliyada 30-dək insanın həyatına son qoyub.
SİA APA-ya istinadən xəbər verir ki, bunu Braziliyanın Pernambuk regionunun Mülki müdafiə xidməti açıqlayıb.
Səhər saatlarında torpaq sürüşməsi nəticəsində 10 nəfərin öldüyü təsbit edilib. Gün ərzində təbii fəlakət qurbanlarının sayı 30-a çatıb.
Yerli medianın xəbərinə görə, aramsız yağışlar minədək insanın təxliyə olunması ilə nəticələnib. Regiona sutka ərzində 246 mm yağıntı düşüb ki, bu da aylıq normanın 70%-nə bərabərdir.