Azərbaycanın ən yaşlı seçicisi məlum olub

27 May 2022 16:39 (UTC+04:00)

Azərbaycanın ən yaşlı kişi və qadın seçiciləri məlum olub. SİA xəbər verir ki, bu barədə Mərkəzi Seçki Komissiyasının (MSK) bu gün keçirilən iclasında MSK sədri Məzahir Pənahov məlumat verib.

MSK sədri deyib ki, Azərbaycanın ən yaşlı seçicisi qadındır. Ən yaşlı seçici olan Gədəbəy rayon sakini Nuriyeva Şərabanı Əli qızı 1900-cu il təvəllüdlüdür, 122 yaşı var.

Ölkədə ən yaşlı kişi seçici isə 1915-ci il təvəllüdlü İbrahimov Hilal İsa oğludur. 107 yaşlı Hilal İbrahimov Ağcabədi rayonunda anadan olub, hazırda 28 saylı Sabunçu seçki dairəsində yaşayır.