"Türkiyə və Azərbaycan Prezidentlərinin hər bir görüşü çox geniş gündəliyə malikdir. Bu gündəlik təkcə iki ölkəni əhatə etmir, eyni zamanda regionda qlobal məsələlərin müzakirəsi də aparılır". Bu sözləri SİA-ya açıqlamasında politoloq Fərhad Məmmədov deyib.
Onun sözlərinə görə, bu görüşlərdə həm təkbətək, həm də telefon danışığı səviyyəsində dinamika var: "Bu da onun göstəricisidir ki, Azərbaycanla Türkiyə öz münasibətlərini daim ən yüksək səviyyədə koordinasiya halında həyata keçirirlər. İndiki dəyişən dünyada bu çox vacib amillərdəndir".
Politoloq sözlərinə belə davam edib: "Görüş "Teknofest" festivalına və Müstəqillik Gününə təsadüf edir. Düşünürəm ki, hər iki ölkə üçün vacib məqamlara toxunulacaq".
Ayşən Vəli