Futbol üzrə Avropa Liqasının final matçından sonra həftənin ən yaxşı oyunçusu müəyyənləşib.
SİA Matç.az-a istinadən xəbər verir ki, bu ada Almaniyanın "Ayntraxt" (Frankfurt) komandasının qapıçısı Kevin Trapp layiq görülüb.
32 yaşlı qolkiper Şotlandiya "Reyncers"inə qalib gəldikləri həlledici görüşdə 5 qurtarışla yadda qalıb.
“Ayntraxt” əsas və əlavə vaxtı 1:1 hesabı ilə başa çatan “Reyncers”lə final qarşılaşmasında penaltilər seriyasında qalib olub – 5:4. Məhz Kevin Trappın rəqib futbolçulardan birinin penaltisini dəf etməsi həlledici olub.