5 may 2022-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzi və Mərkəzi Gömrük Hospitalının birgə təşkilatçılığı, eləcə də “EGİS Pharmaceuticals PLC”, “Eva Farm” və “Gedeon Richter” şirkətlərinin əməkdaşlığı ilə 5 may Beynəlxalq mama gününə həsr edilmiş "Hamiləlikdə genital və ekstragenital xəstəliklər" mövzusunda Beynəlxalq Elmi Konqresin yalnız rəsmi açılış hissəsi Mərkəzi Gömrük Hospitalının facebook səhifəsində canlı yayımlanacaq. "Hamiləlikdə genital və ekstragenital xəstəliklər" mövzusunda Beynəlxalq Elmi Konqresin işinə qoşulmaq üçün Sizi qeydiyyatdan keçməyə dəvət edirik.
Konqres proqrama uyğun olaraq xüsusilə mama-ginekoloq, kardioloq, endokrinoloq, damar-cərrahı, ümumi cərrah, infeksionist, hematoloq, psixiatr, onkoloq, nefroloq, anestezioloq-reanimatoloq, pediatr və neonatoloq ixtisasına malik həkimlər üçün nəzərdə tutulub.
Hibrid formatda həyata keçiriləcək Beynəlxalq Elmi Konqresdə Azərbaycan, Türkiyə və Britaniyanın yüksəkixtisaslı mütəxəssisləri tərəfindən hazırlanmış ümumilikdə 16 məruzə dinləniləcək. Konqres panel müzakirələr və sual-cavab sesiyaları vasitəsilə interaktiv şəklində həyata keçiriləcək.
Konqres əyani olaraq Baku Marriott Boulevard otelində, distant olaraq isə ZOOM platformasında həyata keçiriləcək. Konqresdə iştirak ödənişlidir!
Əyani iştirak edəcək həkimlər üçün Konqresdə iştirak haqqı 100 AZN, əyani iştirak edəcək rezidentlər üçün 50 AZN təşkil edir. Distant iştirak haqqı isə 20 AZN-dir.
Proqramın 80 faizini tamamlayan hər bir iştirakçıya 8 DTT balı və sertifikat veriləcək.
Yerlər məhdud olduğu üçün qeydiyyatdan keçmək MÜTLƏQDİR!
Qeydiyyatdan keçmək üçün link: https://forms.gle/LsjH6jNrudqGVTnt6
Proqramla tanış olmaq üçün link: https://customshospital.az/5-may-hamilelikde-genital-ve-ekstragenital-xestelikler-beynelxalq-elmi-konqres/
Ödəniş etmək üçün link: https://abblink.az/merch/customshospital