Rusiya prezidenti Putinin sərəncamı ilə fevralın 24-də başlayan müharibə artıq 56-cı günündədir. SİA xarici mətbuata istinadən xəbər verir ki, ötən gecədən etibarən Donbass müharibəsi başladığı üçün ordu ölkənin şərqində cəmləşib.
Ukrayna bölgədəki şəhərlərini müdafiə etmək üçün mübarizə apararkən dünyadan dəstək axtarmağa davam edir.
Ukrayna prezidenti Zelenskinin hər fürsətdə səslənən çağırışına cavab Böyük Britaniya və ABŞ gəlib. İngiltərə dünən Rusiyaya qarşı mübarizədə həyati əhəmiyyət kəsb edən "Stormer" raket sistemlərini Ukraynaya göndərməyə qərar verib.
Daha sonra isə ABŞ-dan əlamətdar bir hərəkət gəlib. ABŞ Müdafiə Nazirliyi (Pentaqon) Ukraynanın Rusiyanın işğalı qarşısında hava qüvvələrinə dəstək olmaq üçün döyüş təyyarələri və təyyarə hissələri aldığını açıqlayıb.