İraqın şimalında həyata keçirilən "Pəncə-Kilit" əməliyyatında zərərsizləşdirilən PKK terrorçularının sayı 26-nı keçir. SİA bu barədə Türkiyə mətbuatına istinad edir.
Milli Müdafiə Nazirliyi İraqın şimalında aprelin 18-də başladılan "Pəncə-Kilit" əməliyyatı ilə bağlı məlumat paylaşıb.
Nazirlik sosial media hesabından verdiyi açıqlamada əməliyyatın planlaşdırıldığı kimi uğurla davam etdiyini bildirib.
Zərərsizləşdirilən terrorçuların sayının 19-dan 26-ya yüksəldiyi də qeyd edilib.
Əməliyyatda əldə düzəldilmiş partlayıcının (EYP) partlaması nəticəsində bir əsgərimiz şəhid olub.