İtaliyada bu vaxtadək koronavirus infeksiyasına 15 milyondan çox yoluxma faktı qeydə alınıb.
SİA AZƏRTAC-a istinadən xəbər verir ki, İtaliya Səhiyyə Nazirliyinin məlumatına görə, ötən sutka ərzində ölkədə koronavirusa yoluxanların sayı 69 min 278 nəfər artaraq ümumilikdə 15 milyon 35 min 943-ə çatıb. COVID-19-un qurbanlarının sayı isə 150 nəfər artaraq 160 min 253-ə yüksəlib. Hazırda ölkədə 1 milyon 274 min 286 aktiv koronavirus xəstəsi var.
Qeyd edək ki, İtaliyada 2020-ci il dekabrın 27-dən etibarən həyata keçirilən vaksinasiya kampaniyası çərçivəsində indiyədək 136 milyon 92 min 615 doza peyvənd vurulub.