Hollivud ulduzu Brüs Uillis ona diaqnoz qoyulan afaziyaya görə aktyorluq karyerasını bitirmək məcburiyyətində qaldığını vurğulayıb.
SİA-nın əldə etdiyi məlumata görə, bu barədə aktyorun həyat yoldaşı Emma Heminq-Uillis məlumat verib.
“Bildirmək istəyirəm ki, sevimli Bryusun səhhətində problemlər var və bu yaxınlarda ona afaziya diaqnozu qoyulub. O, uzun müzakirələrdən sonra həyatı üçün vacib əhəmiyyət kəsb edən karyerasını bitirir”, - deyə Emma Heminq-Uillis instaqramda yazıb.
Brüs Uillis 1955-ci il martın 19-da Almaniyanın İdar-Oberşteyn şəhərində andan olub. Atası amerikalı anası isə alman olub.
O, “Çətin ölüm”, “Pulp Fiction”, “Armageddon” və “Beşinci Element” filmlərindəki rolu ilə şöhrət qazanıb.
1987-2000-ci illərdə aktrisa Demi Mur ilə evli olub. 2009-cu ildə ingilis aktrisa və model Emma Heminqlə ailə həyatı qurub.
67 yaşlı Uillisin Rumer, Skaut, Tallula, Mabel və Evelin adlarında 5 qızı var.
Qeyd edək ki, afaziya xəstəliyi (nitq pozulması) əsasən beyin qabığının travma, şiş toxuması, insult, iltihabi proseslər və bir neçə psixi xəstəliklər nəticəsində nitq şöbəsinin zədələnməsindən meydana çıxır.