94-cü "Oscar" mükafatlandırma mərasimi TRT 2-dən canlı yayımlanacaq.
SİA Türkiyə mediasına istinadən xəbər verir ki, Amerika Kino Sənəti və Elmləri Akademiyası tərəfindən verilən “Oscar” mükafatları bu il 94-cü dəfə öz sahiblərinə veriləcək.
Türkiyə Radio və Televiziya Qurumu – TRT-nin verdiyi məlumata görə, Amerika Birləşmiş Ştatlarının Kaliforniya ştatının Los Anceles şəhərindəki Dolbi (Dolby) Teatrında keçiriləcək mükafatlandırma mərasimi TRT 2 ekranlarından canlı olaraq kinosevərlərlə təqdim ediləcək.
Kino dünyasının nüfuzlu “Oscar” mükafatları 23 kateqoriya üzrə veriləcək.
"Dune" filmi 10, "Belfast" və "West Side Story" filmləri 7 nominasiya qazanıb.
Martın 27-də “Oskara doğru” xüsusi buraxılışı ilə başlayacaq yayım mükafatlandırma mərasimi ilə davam edəcək.
Proqram Türkiyə vaxtı ilə saat 03:00-da canlı yayımlanacaq.