Dünyanın ən böyük səsyazma şirkətlərindən biri olan "Universal Music Group" Ukraynadakı vəziyyətlə əlaqədar Rusiyadakı fəaliyyətini dayandırdığını açıqlayıb. SİA xəbər verir ki, bu barədə Financial Post xəbər verir.
Şirkət bütün fəaliyyətini dayandırır və Rusiyadakı ofislərini bağlayır.
"Ukraynadakı zorakılığa tez bir zamanda son qoymağa çağırırıq. Biz beynəlxalq sanksiyalara əməl edirik. İşçilərimiz və sənətçilərimizlə birlikdə humanitar yardım səylərini dəstəkləmək və qaçqınlara təcili yardım göstərmək üçün dünyanın hər yerindəki qruplarla əməkdaşlıq edirik". Bu da şirkət tərəfindən yayımlanan bəyanatda bildirilir.
Qeyd edək ki, bundan bir qədər əvvəl analoji qərarı onlayn audiostriminq xidməti "Spotify" da qəbul edib.
Nazlı Babayeva