Bir gündə yeddi cüt əkiz doğuldu

28 Yanvar 2022 01:20 (UTC+04:00)

ABŞ-ın Kanzas ştatının Uiçito şəhərində yerləşən “Wesley” Tibb Mərkəzində bir gündə yeddi cüt əkiz uşaq dünyaya gəlib.

SİA xarici mediaya istinadən xəbər verir ki, əkizlərin sağlamlığında heç bir problem yoxdur.

Mərkəzin həkimi Ketlin Tvist bildirib ki, axşam saat 17:00-da növbəyə gələndən yarım saat sonra ilk əkizlər doğulub, bir neçə saat sonra növbətilər gəldi, bir saat sonra isə üçüncü...

Doğum müdiri Kelli Fredin bunu rekorda yaxın rəqəm adlandırıb. Tibb mərkəzinin həkimləri bütün doğuşların yaxşı keçdiyini vurğulayıblar. Ümumilikdə doqquz oğlan və beş qız dünyaya gəlib.