NATO-nun Baş Katibi Yens Stoltenberq bildirib ki, Co Baydenin “kiçik hücum” barədə açıqlaması Rusiyanın Ukraynaya qarşı potensial hücumuna yaşıl işıq yandırmaq anlamına gəlmir.
SİA-nın xəbərinə görə, bu barədə Reuters agentliyi məlumat yayıb.
“30 müttəfiq birlikdədir. 30 müttəfiq aydın şəkildə bildirir ki, Rusiya Ukraynaya hücum edəcəyi, ona qarşı aqressiv vasitələr tətbiq edəcəyi halda bu ona çox baha başa gələcək.
NATO-nun müttəfiqləri bu zaman əvvəlki dövrdə davrandıqları kimi davranacaqlar”, - deyə Stoltenberq bildirib. Qeyd edək ki, bir müddət əvvəl ABŞ Prezidenti Co Bayden bəyan edib ki, Rusiya qoşununun Ukrayna sərhədini hər hansı formada keçməsi hücum kimi qiymətləndiriləcək.