Qəbələ rayonunun Laza kəndində yolun qarlı-buzlu olması səbəbindən “Toyota” markalı minik avtomobili dərəyə sürüşüb.
SİA xəbər verir ki, Fövqəladə Hallar Nazirliyindən (FHN) bildirilib ki, təhlükənin yaranması, sürücü və sərnişinin soyuq hava şəraitində köməksiz vəziyyətdə qalması ilə əlaqədar FHN-nin "112" qaynar telefon xəttinə məlumat daxil olub.
Məlumatla əlaqədar nazirliyin Şimal-Qərb Regional Mərkəzinin xilasetmə qüvvələri çağırış üzrə сəlb olunublar. Həyata keçirilən xilasetmə tədbirləri nəticəsində avtomobilin təhlükəsiz əraziyə çıxarılması təmin edilib.