NASA-nın kosmos gəmisi “Parker Solar Probe” Günəşin tac kimi tanınan atmosferinə daxil olub və bununla da ilk dəfə günəşə toxunuldu. SİA bunu xarici KİV-lərə istinadən xəbər verir.
Parker xüsusi olaraq 1 milyon dərəcədən çox temperaturu olan bu bölgəyə daxil olmaq üçün hazırlanıb. Alimlər məsələ ilə bağlı xəbəri Amerika Geofizika İttifaqının iclasında açıqlayıblar.
Kosmik gəmi aprel ayında Günəşə səkkizinci yaxınlaşması zamanı tacdan keçməyi bacarıb. Alimlər məlumatların toplanmasının bir neçə ay çəkdiyini, sonra isə bu məlumatların təsdiqlənməsinin aylar sürdüyünü açıqlayıblar.
Cons Hopkins Universitetinin layihə alimi Nour Raufi bu, heyranedici dərəcədə həyəcanvericidir" deyib.
2018-ci ildə buraxılan Parker, Günəş və onun atmosferi hesab edilən aşağı sıxlıqlı plazma atmosferi arasındakı kələ-kötür, nizamsız sərhədi ilk dəfə keçərkən ulduzun mərkəzindən 13 milyon kilometr uzaqda idi. Tədqiqatçıların fikrincə, kosmik gəmi ən azı üç dəfə atmosferə girib-çıxıb.
Miçiqan Universitetindən Castin Kasper jurnalistlərə açıqlamasında bildirib ki, biz təxminən beş saat bu ərazidə idik: “İndi beş saat deyəndə, bu, böyük bir iş kimi görünmür. Amma Parker (red: kosmik gəmi) o qədər sürətli hərəkət edir ki, o, çox böyük məsafəni qət edib. "Biz saniyədə 100 kilometrlik sürətdən danışırıq. Bu, bizə çoxlu məlumat verib”.
Rauafinin sözlərinə görə, tac gözlənildiyindən daha tozludur: "Gələcək tac ziyarətləri günəş küləyinin mənşəyi və onun kosmosa necə yayıldığını anlamaq üçün vacib olacaq".