2022-ci ildə ARDNF-in investisiya portfelində ABŞ dollarının payının 65%, avronun payının 20%, ingilis funt-sterlinqinin payının 5%, digər xarici valyutaların payının isə 10% təşkil edəcəyi proqnozlaşdırılır.
SİA xəbər verir ki, bu barədə Hesablama Palatasının Fondun gələnilki büdcəsinə verdiyi rəydə bildirilir.
Xatırladaq ki, 2021-ci il oktyabrın 1-nə ARDNF-in vəsailərtin 69,1%-i dollarda, 19,5%-i avroda, 4,9%-i ingilis funt-sterlinqində, 6,5%-I isə digər xarici valyutalarda olub.
Bundan başqa, rəydə bildirilir ki, gələn il ARDNF-in investisiya portfelində borc öhdəlikləri və pul bazarları alətlərinin payı minimum 50%, səhmlərin payı maksumum 25%, daşınmaz əmlakın payı maksumum 10%, qızılın payı isə maksumum 15% təşkil edəcək. Bu il sentyabrın sonuna sözügedən nisbətlər müvafiq olaraq 63,1%, 18,1%, 6% və 12,8% təşkil edib.