Hulusi Akar müdafiə naziri və DSX-nin rəisinə başsağlığı verib

30 Noyabr 2021 18:33 (UTC+04:00)

Türkiyənin milli müdafiə naziri Hulusi Akar Azərbaycanda hərbi helikopterin qəzaya uğraması ilə əlaqədar müdafiə naziri Zakir Həsənov və Dövlət Sərhəd Xidmətinin rəisi Elçin Quliyevə başsağlığı verib. SİA-nın məlumatına görə, türkiyli nazir bununla bağlı Z.Həsənova və E.Quliyevə zəng edib.

H.Akara danışıqlar zamanı qəza nəticəsində həlak olanlara görə başsağlığı bildirib, yaralananlara şəfa diləyib.

Eyni zamanda, H.Akar Azərbaycan xalqına başsağlığı verib və həlak olanların ailəsinə səbr arzulayıb.