Pekin bələdiyyəsinin qərarı ilə analıq məzuniyyətinin müddəti 30 gün artırılaraq 158 günə çatdırılıb.
SİA-nın Çin mənbələrinə istinadla xəbərinə görə, məqsəd nəsil artımını stimullaşdırmaqdır.
Uzun müddət tək uşaq siyasəti nəticəsində əhali kifayət qədər yaşlanıb. Bu da ölkə iqtisadiyyatını işçi çatışmazlığı ilə üz-üzə qoyur.
Qeyd edək ki, Çİn hökuməti son illərdə uşaq sayı ilə bağlı tələbləri yumşaldıb. Bu ildən 3 uşağa sahib olmağa icazə verilsə də, doğuş sayında azalma qeydə alınır.