“Bu mükafata layiq görüldüyüm üçün çox sevinirəm”.
SİA xəbər verir ki, bunu “Qızıl top” mükafatına 7-ci dəfə layiq görülən Argentina millisinin kapitanı Lionel Messi deyib.
“France Football” nəşrinin keçirdiyi səsvermənin qalibi olan PSJ-nin hücumçusu mükafatlandırma mərasimində fərdi mükafatlara böyük önəm vermədiyini söyləyib. O, yarışda ikinci olan “Bavariya”nın polşalı hücumçusu Robert Levandovskinin də bu titula layiq olduğunu vurğulayıb: “Levandovski ilə mübarizə aparmaqdan qürur duyuram. Robert, sən “Qızıl top”a layiqsən. Yəqin hamı mənimlə razılaşar”.
Qeyd edək ki, “Çelsi”nin italiyalı yarımmüdafiəçisi Jorjinyo 3-cü yeri tutub.