Afrikanın 5 ölkəsindən gələnlərə qadağa...

27 Noyabr 2021 01:17 (UTC+04:00)

Afrikanın 5 ölkəsindən Türkiyəyə gələnlər üçün giriş qadağan edilib.

SİA-nın əldə etdiyi məlumata görə, bu barədə Türkiyənin Səhiyyə naziri Fəxrəddin Qoca özünün “Twitter” səhifəsində yazıb.

Nazir bildirib ki, yeni növ koranavirusun mutasiyaya uğramış yeni variantının aşkar olunması səbəbilə bu gecədən etibarən Botsvana, Cənubi Afrika Respublikası, Mozambik, Namibiya və Zimbabvedən Türkiyəyə gələnlər üçün giriş qadağan edilir.

Qeyd edək ki, yeni ştammın yayılma təhlükəsi ilə əlaqədar Ümumdünya Səhiyyə Təşkilatı da xəbərdarlıq edib və İspaniya, Avstriya, İtaliya, Almaniya, İsrail, İngiltərə Cənubi Afrika və qonşu ölkələrdən olan uçuşları dayandırıb.