Kanada hökuməti Ukraynadakı hərbi kontingentini gücləndirmək üçün müxtəlif variantları nəzərdən keçirir.

Bu barədə “Globe and Mail” qəzeti məlumat yayıb.

Məlumata görə, Kanadanın milli müdafiə naziri təyin edilmiş Anita Anand hazırda belə bir təklifi nəzərdən keçirir.

Mövcud kontingenti gücləndirmək üçün bir neçə variant var: Ukraynaya bir neçə yüz hərbi qulluqçu göndərmək, Rumıniyadan bu ölkəyə Kanadanın CF-18 qırıcılarını köçürmək, Kanada Hərbi Dəniz Qüvvələrinin hərbi gəmisini Qara dənizə göndərmək.