Pekin administrasiyası bu həftə tarixi yenidən yazacaq qanun layihəsini müzakirə edəcək. Bildirilib ki, Çin prezidenti Si Tsinpin özünü əvvəlki böyük Çin liderləri ilə eyni səviyyədə tutacaq və ölkəsinin xarici güclər tərəfindən alçaldılmasına qarşı duran lider kimi xarakterizə edəcək. Bununla belə, qanun layihəsinin ən maraqlı məqsədi, cəmiyyətin keçmişini yaddaşlardan silmək və onu yenidən yazmaqdır. SİA-nın xarici mətbuata istinadən verdiyi məlumata görə, Çin lideri Si Tsinpin, hakimiyyətdə üçüncü bir dövrə girməyə hazırlaşarkən, görünür o, gələcəkdən çox keçmişlə məşğuldur. Çinin siyasi elitasının 300-dən çox üzvü, Kommunist Partiyasının 100 il əvvəl yaranmasından bu yana əldə etdiyi böyük nailiyyətləri və tarixi təcrübəsini təsvir edən qətnamə layihəsini qiymətləndirmək üçün bu həftə Pekində bir araya gələcək.