Milli Məclis 8 noyabr – Zəfər Günü ilə əlaqədar bəyanat verib. SİA-nın məlumatına görə, bəyanatda qeyd olunur ki, Müzəffər Ali Baş Komandan İlham Əliyevin rəhbərliyi ilə qüdrətli Azərbaycan ordusu 44 günlük Vətən müharibəsində 30 il ərzində işğal altında qalan torpaqlarımızı azad etdi:
"Bu bir əsrin hüdudlarına sığmayan bir qələbədir. 44 gün ərzində 30 illik işğala son qoyulması ilə son 200 ilə yaxın dövrdə Azərbaycan xalqına bəlalar gətirən erməni şovinizminə böyük zərbə endirildi".