YAP Yevlax rayon təşkilatının, Yevlax şəhər “Gənclər Evi” sosial xidmət müəssisəsinin və DQİDK-nin Yevlax şöbəsinin əməkdaşları Vətən müharibəsində Bərdə şəhərinin Ermənistan silahlı qüvvələri tərəfindən raket hücumuna məruz qalmasının birinci ildönümü münasibətilə Bərdə şəhərindəki düşmənin zərbələr endirdiyi meydanda keçirilən tədbirdə iştirak ediblər. SİA xəbər verir ki, əməkdaşlar düşmənin atəşi nəticəsində həlak olan şəxslərin xatirə lövhəsinin önünə gül dəstələri düzərək əziz xatirəsini ehtiramla yad ediblər.
Allah bütün şəhidlərimizə rəhmət etsin!