ABŞ Səhiyyə Nazirliyində bomba təhlükəsi səbəbiylə paytaxt Vaşinqtonda ABŞ Konqresinə gedən bir çox küçə və yollar bağlanılıb. SİA-nın xarici mətbuata istinadən verdiyi məlumata görə, Vaşinqton polisi Kapitoli yaxınlığındakı Səhiyyə və İnsan Xidmətləri Departamentində bomba təhlükəsi ilə bağlı xəbərdarlıq edib. Xəbərdarlıq səbəbilə ABŞ Konqresinə gedən bir çox küçə və yollar bağlanarkən, Konqres və nazirlik ətrafında geniş təhlükəsizlik tədbirləri görülüb.Təhlükəsizlik qüvvələri hələ də hadisə yerində araşdırma aparır.