Avropa İqlim, İnfrastruktur və Ətraf Mühit üzrə İcra Agentliyi (CINEA) və Baltikyanı ölkələrin rəsmiləri “Rail Baltica” dəmir yolu xəttinin tikintisi məqsədilə transsərhəd qrant haqqında əlavə saziş imzalayıblar.
SİA Baltikyanı ölkələrin mətbuatına istinadla bu barədə məlumat “Rail Baltica” dəmir yolu layihəsinin saytında yer alıb.
Bildirilib ki, müqavilənin ümumi dəyəri 19,7 milyon avro təşkil edir. Eyni zamanda məbləğin 85 faizi Avropa İttifaqı Fondu, 15 faizi isə Baltikyanı ölkələrin hökumətləri tərəfindən ayrılacaq.