Rusiyada “SCANIA” markalı yük maşını ilə “VAZ-2112” markalı minik avtomobili toqquşub.
SİA “bashinform”a istinadən xəbər verir ki, hadisə günort saat 5 radələrində Başqırdıstan Respublikasının ərazisindən keçən M5 “Ural” magistralının 1335-ci kilometrliyində baş verib.
Dövlət Yol Hərəkəti Təhlükəsizliyi Müfəttişliyinin mətbuat xidmətindən bildirilib ki, qəza nəticəsində minik avtomobilində arxa oturacaqda əyləşən 58, 55 və 33 yaşlarında olan 3 qadın hadisə yerində dünyasını dəyişib.
35 yaşlı sürücü və 38 yaşlı qadın ağır bədən xəsarətləri ilə xəstəxanaya yerləşdirilib.
Yük maşınının sürücüsü xəsarət almayıb.
Hadisənin başvermə səbəbləri araşdırılır.