Pekin Qış Olimpiya Oyunlarının məşəli alovlandırılıb

18 Oktyabr 2021 15:57 (UTC+04:00)

Qədim Olimpiya Oyunlarının vətəni Yunanıstanda Pekin Qış Olimpiadasının məşəli alovlandırılıb. SİA xəbər verir ki, məşəli daşıyan ilk idmançı yunanıstanlı xizəkçi Yannis İoannis Antoniou olub.

Məşəl estafeti bir gün davam edəcək. Belə ki, oktyabrın 19-da tarixi “Panatinaikos” stadionunda məşəl Çin nümayəndələrinə təhvil veriləcək.

Estafet Pekin Olimpiadasının açılış günü - fevralın 4-də başa çatacaq.

Qeyd edək ki, Pekin Qış Olimpiya Oyunları fevralın 4-dən 20-dək keçiriləcək.