Vida ziyarəti çərçivəsində Almaniya Kansleri Angela Merkel, Tarabya şəhərindəki Huber Köşkündə Prezident Rəcəb Tayyib Ərdoğanla görüşüb. SİA xarici mətbuata istinadən xəbər verir ki, Ərdoğan və Merkel görüşdən sonra açıqlamalar verib. Merkelə bütün dəstəyinə görə təşəkkür edən Prezident Ərdoğan, kansleri bu cür tərifləyib: "Cənab Merkel, nizamsız köçün qarşısının alınmasında məsuliyyət daşımaqdan çəkinmədi. Xanım Merkelin səylərini minnətdarlıqla xatırlayacağıq. Şərqi Aralıq dənizi, Əfqanıstan, Suriya və Liviya ilə bağlı fikir mübadiləsi apardıq". Ərdoğanın çıxışının sonunda Alman dilində "təşəkkür edirəm" mənasını verən "Danke schön" deməsi diqqətdən yayınmayıb.