Norveçdə düzəldilən dünyanın ilk ekipajsız və elektriklə çalışan gəmisi, hər şey yolunda gedərsə, bu il ilk səfərinə çıxacaq və ölkənin iki limanı arasında hərəkət edəcək. SİA bu barədə xarici mətbuata istinad edir.
Gəminin naviqasiya sistemi sahildəki üç ayrı-ayrı məlumat idarə mərkəzi tərəfindən müşahidə olunacaq.
Karbon buraxması sıfır olan gəmi havanı heç çirkləndirməyəcək.
Bundan əvvəl 2018-ci ildə Finlandiyada ekipajsız döyüş gəmisi düzəldilmişdi. Yük gəmisi isə ondan fərqli olaraq elektrikli 103 böyük konteynerlə təchiz edilib.
Limana yanaşma, lövbər atma, gəmiyə yükləmə və boşaltma əməliyyatları hələlik insanlar tərəfindən icra olunacaq. Lakin kran və daşıyıcılar avtomatik işləyəcək.
Qeyd edək ki, gəminin 2020-ci il səfərə başlama qərarı koronavirus epidemiyası səbəbindən bu ilə təxirə salınıb.