“Azərbaycan və Türkiyə hakim partiyaları Yeni Azərbaycan Partiyası və Ədalət və İnkişaf Partiyası (AKP) arasında da əlaqələr genişlənib”. SİA-nın xəbərinə görə, bunu Yeni Azərbaycan Partiyası sədrinin müavini - Mərkəzi Aparatın rəhbəri Tahir Budaqov jurnalistlərə açıqlamasında deyib.
Onun sözlərinə görə, tarixdə ilk dəfə olaraq iki partiya arasında əməkdaşlıq protokolu imzalanıb: “Bu sənəd gələcək əməkdaşlıq üçün yeni hüquqi baza yaradıb. Bizim fəaliyyət istiqamətlərimizin fəaliyyət kontorları müəyyən olunub. Hər iki partiya arasında işlər davam edəcək. Artıq partiyalar beynəlxalq arenada da müştərək fəaliyyət göstərəcək”.