“Çelsi” klubu yarımmüdafiəçisi Denni Drinkuoteri yenidən icarəyə verib. SİA-nın xarici mətbuata istinadən verdiyi məlumata görə, 31 yaşlı futbolçu 2021/22 mövsümünün sonuna qədər “Ridinq”in uğurları üçün çalışacaq. “Çelsi” Drinkuoteri 2017-ci ildə “Lester Siti”dən 40 milyon avroya transfer etmişdi. Amma İngiltərə millisinin sabiq üzvü demək olar ki, London təmsilçisində əsas heyət üzvünə çevrilə bilməyib. Bu üzdən də o, əvvəlki mövsümlərdə də “Bernli”, “Aston Villa” və “Kasımpaşa” kimi klublara icarəyə verilib.
Ziya Hikmətoğlu