Meksikanın Hidalgo əyalətində, güclü fırtına nəticəsində hərbi vertolyot qəzaya uğrayıb. SİA xarici mətbuata istinadən xəbər verir ki, hərbi vertolyot 50 metr aşağı düşüb, bu zaman 4 nəfər yaralanıb. Veracruz şəhəri hökumət katibinin də olduğu vertolyot, pilotun idarəetməni itirməsi ilə havaya qalxdıqdan qısa müddət sonra qəzaya uğrayıb. Qəzada yaralanan 4 nəfər xəstəxanaya yerləşdirilib. Qəzadan yüngül xəsarətlərlə xilas olan katib, "Grace" qasırğasından təsirlənən bölgələrdə kəşfiyyat uçuşları həyata keçirdiklərini ifadə edərək deyib: "Bu, uğursuz bir qəza idi, həmrəyliyə görə təşəkkür edirəm. Allaha şükür olsun ki, insan itkisi olmadı". Digər tərəfdən, sosial mediada əks olunan görüntülərdə vertolyotun düşmə anı kameralarda əks olunub.