Çinin Yunnan əyalətindən Myanmar hərbi idarəsinə şikayət məktubu göndərilib. SİA xarici mətbuata istinadən xəbər verir ki, məktubda 4 və 6-cı günlərdə Şan əyalətində baş verən daxili qarşıdurmalar nəticəsində Çinin sərhəd bölgəsindəki Vandinq şəhərinə bir minaatan və bir neçə mərminin düşdüyü bildirilib.
Bu vəziyyətlə əlaqədar dərin narahatlıqlarını ifadə edən səlahiyyətlilər, daha bir belə hadisə olarsa, "lazımi cavab veriləcəyini" xəbərdarlıq edib. Myanmar hərbi rəhbərliyi Çin səlahiyyətlilərinin şikayəti üzərinə sərhəddən düşən sursat üçün üzr istəyib.