İtaliyanın “Atalanta” klubu heyətini yeni futbolçu ilə gücləndirib. SİA-nın xarici mətbuata istinadən verdiyi məlumata görə, A Seriyası təmsilçisi “Parma”nın müdafiəçisi Cüzeppe Petsellanı heyətinə qatıb. 23 yaşlı sol cinah müdafiəçisi 2021/22 mövsümünün sonuna kimi icarəyə götürülüb. Petsella 2019-cu ilin avqustundan “Parma”da çıxış edirdi. İtaliyanın gənclərdən ibarət yığmasında da oynamış futbolçu, əvvəllər “Palermo”, “Udineze” və “Cenoa”nın da formasını geyinib.
Ziya Hikmətoğlu