Bundan sonra Biləsuvar rayonu ərazisində yerləşən Cəbrayıl rayonundan olan məcburi köçkünlər üçün tikilmiş qəsəbələrə gələn işçi qrupu burada doğma yurdlarından uzaq yerdə yaşayan cəbrayıllılar arasında seçim turu keçiriblər. Açılış mərasimində çıxış edənlər bildiriblər ki, vətənimizin dilbər guşələrindən olan Cəbrayıldan aralı olsalar da hər zaman qəlbləri həmin yurdları səsləyir. Cəbrayıllı gənclər "Vətəni tanı" kampaniyasında çox fəallıq nümayiş etdiriblər. Onlar arasından 2 gənc Respublika turuna vəsiqə qazanıb.
Qeyd edək ki, Kampaniyaya rəsmi olaraq Gənclər və İdman, Təhsil, Rabitə və İnformasiya Texnologiyaları nazirlikləri, Torpaq Xəritəçəkmə Komitəsi dəstək verir. Həmçinin "AVA" Skandinaviya klinikası, FİXED Borders kampaniyaya dəstək verir.