Bakıda, Binəqədi şossesində Fövqəladə Hallar Nazirliyinin Xüsusi Riskli Xilasetmə Xidmətinin qarşısındakı küçədə kanalizasiya baxış quyularının və siyirtmə kamerasının oğurlanmış qapaqları yeniləri ilə əvəzlənib.
Bu barədə SİA-ya "Azərsu" ASC-dən bildirilib.
Məlumata görə, qurumun Binəqədi Rayon Sukanal İdarəsi quyulara yeni qapaqlar qoyub.
Xatırladaq ki, iyunun 8-də 4 ədəd kanalizasiya baxış quyusunun və siyirtmə kamerasının qapaqlarını naməlum şəxslər oğurlayıb. Faktla bağlı Binəqədi Rayon Sukanal İdarəsi Binəqədi Rayon Polis İdarəsinə müraciət edib.