Rusiya hakimiyyəti milli valyutanın likvidliyini ABŞ dollarından avroya köçürməyi planlaşdırır. SİA xəbər verir ki, bu barədə ölkənin Maliyyə Nazirliyi məlumat verib. Rusiya Maliyyə Nazirliyinin xarici məhdudlaşdırıcı tədbirlərə nəzarət şöbəsinin müdiri Dmitri Timofeyev, "Bir nömrəli hədəfimiz Rusiyanı avro yönümlü bir ölkəyə çevirmək və bununla da dolları avro ilə əvəz etməkdir”- deyib.
Rusiyanın belə bir addım atması üçün hər cür səbəbi olduğunu qeyd edən nazirlik vəzifəlisi hökumətin müəssisələrin Avropa ortaq valyutasına keçməsi üçün geniş bir təşviq hazırladığını söylədi.
"Biz bazar iqtisadiyyatı ölkəsi olduğumuz üçün, sadəcə, sifariş verə bilmərik ki, dollar istifadə etməyi dayandırın"- Timofeyev deyib.
Lakin Timofeyevə görə, bəzi şirkətlər yenidən istiqamətlərini dəyişməyə məcbur ola bilərlər.
"Bütün iqtisadiyyatı dollarlardan uzaqlaşdırmaq üçün lazımi alətləri tək bir paketdə inkişaf etdirməliyik, bu da sanksiyaların qarşısını almağa və dünyanı daha demokratik etməyə imkan verəcək"- o deyib.
Qeyd edək ki, bu açıqlama Rusiyanın maliyyə naziri Anton Siluanovun Milli Rifah Fondunun gələn ay ərzində dollar payını sıfıra endirəcəyini açıqlamasından (https://sia.az/az/news/economy/874064.html) bir neçə gün sonra verilib.
Bu arada, Rusiya Baş nazirinin müavini Aleksander Novak, ABŞ rəhbərliyi məqsədyönlü iqtisadi sanksiyaları sürətləndirməyə davam edərsə, Rusiyanın dollarla imzalanan neft müqavilələrindən tezliklə imtina edə biləcəyi barədə xəbərdarlıq etdi.
Elçin