Rusiya, Avstriyanın “Austrian Airlines” aviaşirkətinə cümə günü Vyana-Moskva reysini həyata keçirmək icazəsi verib. SİA xəbər verir ki, bu barədə aviaşirkətin nümayəndəsi RİA Novosti-yə informasiya verib.
Qeyd olunur ki, sonrakı sərnişin uçuşları üçün hələlik bir icazə yoxdur.
"Rusiya səlahiyyətliləri Avstriya Hava Yollarına Vyanadan Moskvaya Belarus hava məkanından keçməyən alternativ bir marşrut üçün icazə verib. Beləliklə, “Austrian Airlines” Vyanadan Moskvaya və əks istiqamətdə Moskvaya planlaşdırılan OS 601/602 reysini həyata keçirə bilər amma Nankin yük uçuşları ilə yanaşı alternativ bir marşrut üçün də hələ bir icazə yoxdur. “Austrian Airlines” burada da Rusiya səlahiyyətlilərinin müsbət cavabına ümid edir", deyə aviaşirkətin nümayəndəsi bildirib.