Gəncədə fərdi yaşayış evində yanğın baş verib.
SİA-nın bölgə müxbirinin verdiyi məlumata görə, hadisə şəhərin Nizami qəsəbəsində baş verib.
İlkin məlumata əsasən, hadisə zamanı bir nəfər - 1958-ci il təvəllüdlü Füzuli Ələkbər oğlu Əliyev dünyasını dəyişib.
Yanğını söndürmək üçün əraziyə Kəpəz və Nizami rayon Yanğından Mühafizə İdarəsinin əməkdaşları cəlb olunub. Edilən müdaxilə nəticəsində alovu ram etmək mümkün olub.