Hər kəs dolğun, nəmli və hamar dodaqlar istəyir. SİA-nın Türkiyə mətbuatına istinadən verdiyi məlumata görə, bu istəyə tez çatmağın bir sirri var. Dodaq maskaları! Evdə asanlıqla hazırlanan reseptlərlə öz dodaq maskanızı hazırlaya və kimyəvi maddələrə ehtiyac duymadan tam hamar dodaqlar əldə edə bilərsiniz.
Dolğun dodaq üçün maska
Lazımi materiallar aşağıdakı kimidir:
1 çay qaşığı bal
2-3 damla zeytun yağı
Bütün maddələri qarışdırın və diş fırçası köməyi ilə dodaqlarınıza masaj edin.
Nəmləndirici və qırışa qarşı maska
İndi danışacağımız maska qırışların qarşısını alır və dodaqlarınızın elastikliyini bərpa edir. Tərkibi aşağıdakılardır:
1 pomidor
1 çay qaşığı bal
1 çay qaşığı qatıq
Pomidordan suyunu çıxarın. Sonra bal və qatıq əlavə edin. Maskanı dodaqlarınıza sürtün və 15 dəqiqə saxlayıb durulayın.
Quruyan və çatlayan dodaqlar üçün maska
Çatlamış və quru dodaqlarınızın müalicəsi çox asandır. Tərkibi aşağıdakılardır:
1 çay qaşığı. şəkər tozu
1 çay qaşığı bal
5-6 damla qreypfrut suyu
Bütün maddələri bir qabda qarışdırın. Sonra 5 dəqiqə sürtün. İlıq su ilə yuyun.
Ayşən Vəli