Ermənistanın İrandakı səfiri Artaşes Tumanyan geri çağırılacaq. SİA xəbər verir ki, bu barədə "Hraparak" nəşri yazıb. Məlumata görə, bu qərar iki səbəbdən ola bilər.
Birinci versiya kimi İran tərəfinin onun işindən narazı olması göstərilir. İkincisi, Tumanyan Ermənistan xarici işlər nazirinin müavini vəzifəsini tuta bilər.
O, 1999-2000-ci illərdə nazirin birinci müavini, sonra prezident administrasiyasının rəhbəri olub. Bundan əvvəl isə deputat seçilib, eyni zamanda vergi xidmətinə rəhbərlik edib.