"Salernitana" yeni mövsümdən İtaliya A seriyasında oynamaq hüququ qazanıb.
SİA xəbər verir ki, komanda İtaliya B seriyasının son turunda "Peskara"ya 3:0 hesabı ilə qalib gələrək buna nail olub. Bu nəticə ilə xalını 69-a yüksəldən Fabrizio Kastorinin baş məşqçisi olduğu komanda B seriyasını 2-ci pillədə tamamlayıb və çempion "Empoli"dən sonra elitaya vəsiqə qazanan ikinci komanda olub.
Qeyd edək ki, "Salernitana" sonuncu dəfə A seriyasında 1997/1998 mövsümündə oynayıb.