Yeni mövsümdən Türkiyə Super Liqasında oynamaq hüququ qazanacaq üç klubdan ikisi artıq müəyyənləşib.
SİA xəbər verir ki, bu, 1-ci liqada son turun oyunları başa çatdıqdan sonra bəlli olub. "Adana Demirspor" turniri 1-ci, "Giresunspor" 2-ci pillədə tamamlayaraq elitaya vəsiqə qazanıb. Hər iki komanda eyni - 70 xal toplasa da, əlavə göstəricilərdə Adana təmsilçisi üstün olub.
Qeyd edək ki, Superliqaya vəsiqə uğrunda son yer üçün "İstanbulspor", "Altay", "Altınordu" və "Samsunspor" pley-off-da mübarizə aparacaq.