Şuşa şəhərində Qələbənin 76-cı ildönümü qeyd olunub FOTOLAR

9 May 2021 13:11 (UTC+04:00)

Böyük Vətən müharibəsində Qələbənin 76-cı ildönümü münasibətilə Şuşa şəhərində təntənəli tədbir keçirilib. İkinci Dünya müharibəsində misilsiz qəhrəmanlıqlar göstərmiş xalqımızın igid oğullarının əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni ifa olunub. Müdafiə Nazirliyinin Mətbuat xidmətindən SİA-ya verilən məlumata görə, tədbirdə faşizm üzərində qələbənin qazanılmasında Azərbaycan xalqının müstəsna xidmətlərindən, Azərbaycanın milli atıcı diviziyalarının tarixi və şanlı döyüş yolu barədə ətraflı məlumat verilib.
Hərbi orkestr müharibə illərinin mahnı və hərbi marşlarını ifa edib.

Qeyd edək ki, mərasim şəxsi heyətin şəhərdə təntənəli keçidi ilə başa çatıb.