Yuventusdakı gələcəyi bəlli olmayan Kristiano Ronaldo öz karyerasını ölkəsində bitirmək istəyir. SİA-nın xarici mətbuata istinadən verdiyi məlumata görə, 36 yaşlı ulduz futbol dünyasına başladığı Sportinqdə oynamağı düşünür.
Yuve ilə müqaviləsi 2022-ci ildə bitən Ronaldo, 2003-cü ildə Mançester Yunayted-də olmadan əvvəl Sportinq-də oynayıb. Daha sonra 2009-cu ildə Real Madridə keçməsi ilə tarixin ən bahalı oyunçusu olan portuqaliyalı 2018-ci ildə 100 milyon avro qarşılığında Yuventusa gəlmişdi.
Xəbər saytlarından birinin müxbirinin açıqlamasında belə deyilir: "Ronaldonun gələcəyi ilə bağlı fikirləri var. O Yuventusdakı müqaviləsini bitirmək və iki illiyinə Sportinq Lissabona dönmək istəyir".
Zərdüşt Quluzadə